Helgina 4. og 5. janúar mun Arnbjörg Kristín leiða 10 klukkutstunda grunnnámskeið í gong spilun. Á námskeiðinu kennir hún réttu handtökin við spilun þeirra og fer yfir mismunandi ásláttaraðferðir. Arnbjörg leiðir þátttakendur einnig í gegnum sögu gongsins og fer yfir núvitundar hugleiðsluaðferðir.

Kennslan fer fram milli klukkan 13:00 og 18:00 laugardaginn 4. janúar og milli 10:00 og 15:00 sunnudaginn 5. janúar í Yoga Shala Reykjavík.

Athugið að fjöldi þátttakenda er takmarkaður.

Um Arnbjörgu Kristínu

Arnbjörg Kristín yogakennari, listakona og hljóðheilari kennir námskeiðið. Hún hefur kennt á gong og spilað víða um heim undanfarin 10 ár og hlakkar til að deila hljóðferðalaginu með þér.