Slappaðu af, maður!

Slappaðu af, maður! er Yoga námskeið fyrir karlmenn sem þurfa á rólegri líkamsrækt og slökun að halda. Hópurinn hittist á mánudögum og miðvikudögum kl. 20:00-21:30 í þrjár vikur, alls 6 skipti og fer í gegnum rólegar en áhrifaríkar æfingar sem vinna á líkama og huga í senn.

Námskeiðið er fullkomið fyrir þá karla sem:

• þurfa á meiri hvíld að halda í sínu lífi
• eiga erfitt með að slaka á
• eiga erfitt með svefn
• eiga erfitt með að finna réttu líkamsræktina til að koma sér af stað
• finna kraftinn í líkamsræktinni sinni, en þurfa meiri slökun
• vantar verkfæri til að vinna gegn þunglyndi og/eða kvíða

Í fyrri hluta hvers tíma liðkum við okkur til með því að hreyfa og teygja líkamann og auk þess að notast við öndunaræfingar sem hjálpa okkur að slaka á. Í seinni hluta tímanna iðkum við Yoga Nidra æfingar sem þýða má sem jógískan djúpsvefn. Hér liggjum við á mjúkri dýnu og látum leiða okkur í gegnum hugleiðslu sem þjálfar m.a. einbeitingu og líkamsskynjun. Yoga Nidra framkallar djúpslökun hjá iðkendum sem hefur m.a. jákvæð áhrif á streitu og kvíða og hefur reynst fólki vel sem glímir við þunglyndi og á við svefnvandamál að stríða.

Það er ekki tilviljun að Yoga Nidra tímarnir eru með þeim vinsælustu, í Yoga Shala Reykjavík. Upplifun er sögu ríkari.

Stefán Atli Thoroddsen leiðir námskeiðið Slappaðu af, maður. Stefán hefur kennt í Yoga Shala Reykjavík frá árinu 2021 með áherslu á Yoga flæði (hreyfanlegt Yoga), Yoga Nidra (djúpslökun) og byrjendanámskeið fyrir karlmenn. Á þessu námskeiði munum við notast við bestu tólin úr báðum aðferðafræðum til þess að ná fram okkar markmiðum.

Stefán hefur iðkað Yoga frá árinu 2010 þegar hann þurfti að vinna í sínum eigin liðleika og styrk. Með árunum fór iðkunin að snerta dýpra við  Stefáni sem varð til þess að hann skráði sig í Yogakennaranám. Stefán útskrifaðist úr kennaranámi Yoga Shala Reykjavík árið 2021 og hefur einnig tekið kennaranám í Yoga Nidra og Pranayama (öndunaræfingar).