STYRKTU SAMBANDIÐ VIÐ ÞIG

Á námskeiðinu Styrktu sambandið við þig notar Kolbrún aðferðir sem draga úr uppsafnaðri streitu í líkamanum og leiðir þig í æfingar sem fá þig til að skapa nýjar og betri venjur í þínu lífi. Yoga Nidra slökun leiðir þig inn á við og styrkir tengslin sem þú hefur við sjálfa/n þig. Þú lærir að sleppa því sem þjónar þér ekki lengur og skapar nýjar venjur sem stuðla að jafnvægi, innri ró og betra lífi.

Yoga Nidra er ekki aðeins djúpslökun, heldur innra ferðalag sem hjálpar þér að losa um ósjálfráð mynstur og venjur sem styðja ekki lengur við vellíðan þína. Yoga Nidra dregur úr spennu í líkama og huga, kemur jafnvægi á taugakerfið og tengir þig við undirmeðvitundina, þar sem þú getur umbreytt venjum og þróað nýjar leiðir að betri lífsgæðum. Með tímanum eykur Yoga Nidra skýrleika, sjálfstraust og hæfni til að taka ákvarðanir sem stuðla að jákvæðri breytingu í lífinu.

Ávinningur Yoga Nidra:

• Streita: Losar um uppsafnaða spennu og streitu í líkamanum, dregur úr kortisóli (streituhormóni) og eykur serótónín (vellíðunarhormón).
• Venjur: Skapar rými til að sleppa gömlum mynstrum sem þjóna þér ekki lengur og þróa nýjar, meðvitaðar venjur.
• Stuðlar að skýrleika, sjálfstjórn og jafnvægi í daglegu lífi.

Styrktu sambandið við þig hefst 18. mars og lýkur 15. apríl, samtals verður námskeiðið í fimm skipti á þriðjudögum frá kl. 17:00 - 18:15. Þegar þú losar um streitu öðlast þú meiri ró og skýrleika, sem veitir þér tækifæri til að umbreyta lífsháttum þínum og skapa líf í jafnvægi og vellíðan – bæði nú og til framtíðar.

Kolbrún er með yfir 10 ára reynslu í mannauðsmálum og sem markþjálfi og er með kennararéttindi í yoga og yoga nidra. Hún trúir á mikilvægi þess að tengja saman hugræna, líkamlega og tilfinningalega þætti til að styrkja tenginguna við okkur sjálf og finna innra jafnvægi.